Extrait de Fleûrs di m' Bouquèt, Melreux, 1956
May' tchante è grand bwès !
Musique de M. Joseph Bonvoisin
Compositeur verviétois, enlevé prématurément à l'art musical dans l'épanouissement de son talent plein de promesses.
I
May' tchante è grand bwès : vinez bêle Marèye,
Hoûter s' vwès qu' parole dèl glwére dè prétimps !
El haîtèye air, tot-a r'pris vèye
Et 'ne fène sinteûr flote so lès éles dè vint.
Lès âbes, inte di zèls, djâspinèt d' mistére
E doûs gazouyèdje dès sprèw's, dès sîzèts...
I fàt qu'on-inme è ç' cwène di tére ;
May' tchante è grand bwè !
II
May' tchante è grand bwès : vinez bêle Marèye,
C'èst l'amoûr qui d'bite sès nozés rèspleûs!
Là, sins tèmon, l' boneûr sorèye :
C'ès't-on paradis droviért as hanteûs.
Lès fleûrs sont riyantes et frisses come vos lèpes,
Et l' ramtèdje dè rèw' èst rimpli di s'crèts ;
Li pas n' fait nin l' mwinde brut so l' jèbe...
May' tchante è grand bwè !
III
May' tchante è grand bwès : vinez bêle Marèye,
Wice qui s' vont inmer lès djoyeûs-oûhês !
Djârdin d'amoûr èt d'ârmon'rèye,
C'èst là qui s' catchèt lès vôyes di mossê.
Hossî dèl douceûr di tant d' grusinèdjes,
Mi coûr tchante ossi dès bêles saqwès :
Vinez-l' hoûter dizos l'ombrèdje...,
May' tchante è grand bwè !
Commentaires