Extrait de Fleûrs di m' Bouquèt, Melreux, 1956
Li p'tite saqwè
Musique de M. Jos. Duysens
I (Li djône fèye)
Grand'mére, dji v'vôreûs bin dire ine pitite saqwè,
Ine tote pitite saqwè rin qu'po nos deûs, grand-mére :
Dji k'noh' on fris' andrwèt
Wice qu'i fait come è bwès,
Pâhûle et plin d'mistére...
Il èst tapissé d'jèbes pus doûces qui dji n' sès qwè
Et s'i crèh'-t-i dès fleûrs ossi blankes qui vos tch'vès,
Grand-mére!
II (Li grand-mére)
Grand-mére vis vôreût bin dire ine pitite saqwè,
Ine tote pitite saqwè, hoûtez bin vosse grand-mére: ~
Dji k'nohe come vos l'andrwèt
Qui lès galants r'kwèrèt
Lon dès-oûy's di leû mère...
Là, catchîs, foû dès bruts, lès djônês s'confiyèt
Dès si hardis mèssèdjes qui, quéqu'fèy', rimouwèt
Grand-mére!
III (Li djône fèye)
Grand-mére, dji v'vôreûs bin dire ine pitite saqwè,
Ine tote pitite saqwè, rin qu'po nos deûs grand-mére,
Dji k'nohe on p'tit andrwèt
Là qu'lès galants k'dûhèt
On pô trop vite leû chère.
C'èst là qu'Alfred, on djoû, mi sera 'ne gote trop près...
- Et d'pôy', dji sos tote drôle èt dji m'dimande poqwè,
Grand-mére !
IV (Li grand-mére)
Grand-mére vis vôreût bin jiîre ine pitite saqwè,
Ine tote pitite saqwè dè djône timps da grand-mére :
Dji wadje qui vost-aridrwèt
Est l'ci qu'grand-pére Francwès
M'a s'trindou d'vins sès séres...
Li s'crèt qu'vos m'volez dire, dj'a st-adviné çou qu'c'èst :
Dji wadje qui mâ pô d'timps, voste Alfred mi noum'rè :
Grand-mére !
Commentaires