Extrait de Fleûrs di m' Bouquèt, Melreux, 1956
Li hèrna d'l'Amoûr
Musique de Pierre Vandamme
I
C'èsteût l' bê timps dès fréves
Nanèsse prinda s'caba
Et tote seûle ènn'ala
Evè n' disseûlêye dréve
Wice qui l'amour tindéve...
Hoûtez çou qu'ariva (bis)
II
E l'âme dèl djône Nanèsse
Ossi peûre qu'on pavwèr
Kimincîve à s' drovièr
Li tinre fleûr di s' djônèsse...
Tot sonléve lî fé fièsse,
Ca s'coûr tocta bin fwèrt. (bis)
III
A moumint qui l' bâcèle
Côpéve lès hêtis fruts
Sès-oûy's s'arèstèt d'ssus
Quéque saqwè qu'èl troûbèle ;
Ele rodjih', pwis trèfèle
A pont qu'èle ni s' sint pus. (bis)
IV
Cisse saqwè lî sorêy'
Et lî fait dès mamoûrs ;
Lêye, ni houtant qui s' coûr,
Avancîhe po 1' mîs vèy...
Mins clape... vola l' djône fèye
Prîse è hèrna d' l'amoûr... (bis)
V
Li tindeû, tot binâhe,
Lî d'mande po tinre si main,
Ele tchipote on moumint
Pwis l' lî laît prinde à si-âhe ;
Après, l'amoûr vout 'ne bâhe ;
Tote drôle, èle ni r'fûse nin. (bis)
VI
Ele fourit tote candjèye,
Ca qwàrid ll' qwita l'andrwèt,
E s' coûr djâséve ine vwès
D'on lingadje plein d' sotrèye
Qu'èl mètéve tote foû d' lèye
Sins minme lî dire poqwè. (bis)
VII
C'èst d' pôy' adon qu'on k'nohe
Li hèrna d'lâdje èt Ion
Et qu'on dit qui l' Capon
Tint l'oûy' podrî lès cohes,
Come l'arègne'ratind l' mohe
Podrî s'teûle â plafond, (bis)
Commentaires