Extrait de Fleûrs di m' Bouquèt, Melreux, 1956
Bon coûr d'èfant
- « Mame, dinez-m' ciste orange ! dihéve li p'tite Adèle,
Et pwis dj'irès djouwer avou Rôse et Marcèle!... »
- « Tenez, vol-là ! fat l' mère à s' fèye haûte come çoula,
Mins po n' nin fé linw'ter ces deûs p'tits-èfants-là,
Magnîz chal voste orange, pace qui l' ci qu'a l'âme bone
Si howe li pus' qu'i pout dè n' fé djêrî pèrsone ! »
- « Dji n' lès f'rè nin djêrî, de, d'ha l' bâcèle tot dreût :
Elle âront chaque leû part, çoula m' sonl'rè mèyeû ! »
Commentaires