Extrait de Fleûrs di m' Bouquèt, Melreux, 1956
Li tchèt dèl mohone
AIR : Le petit panier
RESPLEU
Ah ! nosse tchèt, quéle djodjowe !
Avou lu, dji djowe... (bis)
Tot l'monde, âtoû dè feû,
Rèy' di nos p'tits djeûs ! (bis)
I
Li tchèt dèl mohone
Est corne on spirou,
S'i n'acompte pèrsone,
A nouk ènn'è vout.
Co traze fèy's al sîze,
On n'fait qu'dèl soyî ;
Enn'è veût dès grîses,
Mins l'a vite roûvî !
II
Grand-mére lôye ine cwède
A 'ne boule di papî
Qui dj'sètche disqu'al pwète...
Et l'tchèt s'va catchî...
Pwis vola qu'adâre
So l'boule d'on plein côp
Adonpwis s'sitâre
Et djowe come â stô !
III
I nos rind chèrvice :
I k'tchèsse nos soris
Et, qwand ènn' apice,
I s'mosteûre todi.
I vint lâcher l'bièsse,
Mi, dji fais qu'èle coûrt,
Mins ‘l' ratrape d'on djèsse
Pé qu'on djouweû d'toûrs !
IV
Ni tapant nin l'hate
A spitant minou
Pace qu'i lanç'reût s'pate
Après l'prumî v'nou.
C'ès't-ine kipagnèye
Wice qu'i fait d'seûlé
Et s'nos hape quéqu'fey',
Ci n'èst qu'po viker !
Commentaires