Extrait de Fleûrs di m' Bouquèt, Melreux, 1956
Li Martchand d'crompîres
- Alons, lès bèlès crompîres
A treûs francs lès deûs kulos!...
- A treûs francs ! èles sont bin tchîres,
Ie ! binamé fré Tcharlot !...
- Co 'ne fèy', Babète ; quéle manîre !
Todi martchander so tôt !...
Alons, lès bèlès crompîres
A treûs francs lès deûs kulos !...
- Elle ont l'air pus deûre qu'ine pire ;
Haye, lèyîz-m' lès deûs francs, djo?...
- A c' pris-là, vos l's-îrez kwîre ;
Pinsez-v' qui dji lès hape, vos ?...
Alons, lès bèlès crompîres!...
Commentaires