Extrait de Fleûrs di m' Bouquèt, Melreux, 1956
L'âlouwète
Tôt bagnant sès-éles è bleu cîr,
Elle adhind doûc'mint so l'prairèye,
Djâsant st-à solo qu'l'awêtèye
Come po lî conflyî sès d'sirs.
Li bèle marguèrite lî sorèy'
Èt po vèy' wice qu'èle va s'assîr,
Èlle astitche si tièsse d'in-air fîr
A l'copète dèl jèbe riflorèye...
L'oûhê, tôt flotant so l'zûvion,
Dimeûre on moumint sins tchanson
Les vanês stindous d'zeû l'forîre...
Puis s'lais toumer, parèye qu'ine pire,
A bê mitan de pré flori
Èl vèrdeûre qui rafûle si nid.
Magn'hon : nourriture.
Commentaires