Extrait de Fleûrs di m' Bouquèt, Melreux, 1956
Li colon es 't-â teût
Sèreûs-dje co sègnî d'ine macrale ?...
El vèyez-v' so l'teût fé d'ses-airs ?...
Qwand l'diâle n'èpwète nin come ine bale
Dès bièsses ainsi d'vins lès-infêrs...
Si dj'èl tinéve mày', dji l'avale !
Dji k'mince à boûr, dê, Saint-Houbèrt...
Sèreûs-dje co sègnî d'ine macrale ?...
El vèyez-v' so l'teût fé d' sès-airs ?...
C'est l'deûzinme fèy' qu'i m'djowe ciste air,
Mins s'tiesse volrè sûr dju d'sès s'pales !...
- Lâche si frumèle dissus, Lambert !...
- Tais-s'tu, va, Djèrâ ; ti m'èhale...
Sèreûs-dje co sègnî d'ine macrale ?...
Commentaires