Extrait de Fleûrs di m' Bouquèt, Melreux, 1956
Les Colèbeûs
Acropous so l'bwérd dèl hourêye,
Lès-oyez-v' corne is colèbèt
C'est todi là qu'is s'rapoûlet,
Ossi vite qu'il ont fait djoûrnêye.
Onk jâse di s'neûr ou di s'surlèt,
L'aûte conte qui s'bleûve ès't-acoplêye... ,
Acropous so l'bwérd dèl hourêye,
Lès-oyez-v' come is colèbèt !
Vo'a qu'is wadjèt po 'ne toûrnêye...
Lî vî Djhan-Djôsèf tint s'bronzêye
Disconte li blanke pleume da Tchantches...
Hoûtez que tapadje qu'is minèt,
Acropous so l'bwérd dèl hourêye !
Commentaires