Extrait de Fleûrs di m' Bouquèt, Melreux, 1956
Al bâte di coqs
- Go 'ne pèce ou deûs li « djène pâte » di m'sorodje !...
Baboye Hinri Mahy, plin corme on tro,
Tôt hossant pé qu'on balançî d'ôrlodje
È cèke di djins, là qu'lès coqs sont rèclôs.
- Bon, camarade, mi dji tins « l'broûlé-rodje » !...
Brait Djâques, groumant so 'ne tchique come on p'tit stô.
- Go 'ne pèce ou deûs li « djène-pate » di m'sorodje !...
Baboye Hinri Mahy, plin come on trô...
- Li « djène » a brait ! fait Djâques. - N'a nouk qui bodje !
Rèspond tote ine nûlèye di vwès d'on côp !!
- Sia ! - Nonna !! - Rif et raf, on s'acrotche
Et djins come bièsses si pingn'tèt st-è l'èclôs !...
- Go 'ne pèce ou deûs li « djène-pate » di m'sorodje !...
Commentaires