Extrait de Fleûrs di m' Bouquèt, Melreux, 1956
Al Sîze
Dizos nosse vi teûtê,
Nos passans 'ne plaihante sîze ;
I n'a come lampe èsprîse
Qui l'clârté de fornê.
El nutêye neûre èt grise,
On-ètind lès gruzês
Bouhî so nos cwârês
Come pos nos d'mander djîse...
Conte dèl fèye di m'wèzin,
Dji m'sére bin fwért so l'hame
Et, dismètant qui s'mame
Nos raconte si djône timps,
Mes lèpes vont st-è catchète
Trover l'tchife dèl poyète !
Commentaires