Extrait de Fleûrs di m' Bouquèt, Melreux, 1956
Octôbe
Lès bwès sont vérts, djènes èt rossés ;
Li vèvî fome avâ l'foncé
Et couûve d'ine wapeûr blanke èt frisse
Tôt l'fond prîsonîr et mouwè.
Li fâbite awête d'in'air trisse
Li foye si d'tètchî dès cohisses
Po s'lèyî rider vès l'frèhisse.
Là wice qui dwèrmèt lès potês.
Dizeû l'hé, qwand-adhind l'vèsprêye,
Li cwérp dès plopes sonle èsse è feû ;
Li tiesse bagne è cîr d'on pâle-bleû...
È sam'rou dè vint qui hûz'lèye...
Dj'ôds pîler come dès mâlureûs,
Lès oûhès qu'sintèt v'ni l'djalèye...
Commentaires