Extrait de Fleûrs di m' Bouquèt, Melreux, 1956
Paûve mèskène
Gatchèye podrî lès gordènes dèl fignèsse
Ele louke ses maisses qu'ènn'èvont tôt riyant...
Et l'paûve djone-fèye, al fleur di sès vint-ans,
N'a nin seûl'mint condjî po l'djoû di s'fièsse...
A Ion l'musique djowe dès-airs fwèrts plaihants
Qui sonlèt dîre li djôye qu'i n'a so l'plèce
Et, rèssèrêye fî seûle avou s'tristèsse,
Ele veut lès copes qui passèt tôt s'fiestant.
On p'tit-èfant, dispièrté di s'prandjîre,
Pleure là d'vins s'tchambe di s' vèyi tôt d'sseûlé..
Li mèskène court d'on plein côp conzoler
Li tinrûle andje qui s'mèt, al vole à rîre...
Et, d'vins sès lames, lèyant passer l'sorîre
Li bâcèle bâhe li blanc front de mamé.
Commentaires