Extrait de Fleûrs di m' Bouquèt, Melreux, 1956
Al sîze amon Dadite
Dadite, tôt r'nawiant ses tchâssètes,
Hoûte quéques vis sîzeûs copiner
Et sorèy po d'zos ses lunètes
D'ôre djâser di s'timps révolé
Djhan-Piére, qui lî fat l'amourète
I-n'a sûr cinquante ans passés,
N'a nin roûvî lès colibètes
Qu'ai vîle mame il a d'dja conté...
Tôt r'nov'lant-st-ine drôle d'astrapâde
Qu'ine fèy, â bal, Dadite ava,
Li mohone s'implih' di hahlâdes...
Brouyèye dèl rizèye, nosse mâma,
Volant r'mouwer l'feû qui n'pout hope.
Va grawi d'vins 'ne marmite al sope !...
Commentaires