Extrait de Fleûrs di m' Bouquèt, Melreux, 1956
Vesprêye d'Osté
Li djoû s'èdwème tôt tène èl sinteûr dèl vèsprêye ;
Li solo qui tokéve, flâwih podrî l'hourêye,
Et fou dèl grande campagne wice qui l'critchon ram'têye,
On pô dèl wapeûr monte è zûvion rafwèrci.
Lès rodjeûrs de solo, so l'tohèstê vont r'glati...
Et d'vins lès qwate flnièsses qui loukèt so l'corti,
I s'alome on grand feû qu'a l'air de rap'titi
A fait qu'on avancihe dè costé dèl havèye.
Ine odeûr di frûtèdje amousse foû dès djârdins,
Wice qui vint dè mori l'dièrin tchant d'ine masindje...
Et l'nut' asteûre toumève, mèt, è fond 'ne coleûr d'intche.
Mins l'ieune catchèye si lîve : ine bèle loumîre d'ârdjint
Vint bagnî tote li tére èt laît vèy' ine djône cope
Qui disoandje ine doûce bâhe, è pré, d'zos lès haûts plopes.
Commentaires